بأول تجربة تمثيليه لها استطاعت ان تجذب انظار الجمهور لها من خلال مشاركتها بمسلسل بنات صالح الذي عُرض بالموسم الرمضانيلعام 2022 وحقق نجاح كبير واشتهرت شخصيات العمل بين متابعين المسلسل، و من بعد تألقها ببنات صالح شاركت في موسم رمضان2023 الماضي بدور البطولة الى جانب هند نزار و علي ليو بشخصية شهد التي ظهرت بمسلسل المتمرد … بحوار خاص لمجلة مشاهيرالعراق الممثلة جمان كاظم اجابت على بعض الاسئلة التي طرحناها عليها و بدأنا حوارنا بسؤالنا الاول
ايهما الذي انصف موهبة جمان كاظم مسلسل بنات صالح ام مسلسل المتمرد ؟
جمان :
من ناحية الانصاف في ما يخص النجاح ماكدر اكول ايهما لان الحمدلله العملين لاقوا نجاح و فخورة انو كان الي دور بيهم ، من ناحيةالموهبة و المساحة دور شهد في مسلسل المتمرد كان بيه انتقالات بالشخصيات و صعوبه الرساله الي اريد اوصلها للبنات الي بعمر شهد فكان عندي مساحة ابين موهبتي التمثيلية بانتقال الشخصية من حزن الى فرح الى ندم الى انانيه وبنفس الوقت كسب تعاطف الناس حسبمتطلبات الدور كان تجربه صعبه جميله و بيها تحدي و اعتبرها ممتعة جدا للانتقالات الي موجودة بيها .
ما سبب اختيارك للتعاون مع الكاتبة ندى عماد للمرة الثانية على التوالي ؟
جمان :
“اكن كل التقدير و المحبة و الاحترام للكاتبة الراقية ندى عماد خليل بس حقيقه الامر ان الكاتبه مو من اختيار الممثل هو من اختيار المنتج والقناة .. الي علي اقرا السناريو و اختار الشخصية اما اختيار الكاتبه فـ. هو مو من دور الممثل ولست في موقع اني اقيم انسانه رائعه مثلالست ندى لان شهادتي بيها مجروحة ونجاح اعمالها يحجي عنها “
شخصيتك بمسلسل المتمرد كانت مختلفة جدًا عن ماقدمتيه ببنات صالح هل يوجد من يساعدك بأختيار تنوع الادوار ؟
جمان :
“ اني من نوع احب التحدي و العمل الصعب احسه يطلع اقوى ماعند الممثل و يقويني اكثر و يضيفلي خبرة اكبر و يصقل موهبتي لانالموهبة وحدها ما تكفي ولا الشهادة الاكاديمية ف اني من الاشخاص الي يؤمنون انو الممثل الناجح لازم يمتلك ٣ اركان اساسيه اولهاالشهادة الاكاديمية ثانياً الموهبة والقبول و ثالثا الخبرة الي تكتسب من الاعمال المتتاليه والمختلفة
بالنسبة للادوار الاستاذ الكبير المنتج و المخرج سلام عرب و الاستاذ و الاخ العزيز الفنان حسين عجاج هم بالنسبة الي مرجعي ب اختيارالادوار و المقابلات و حتى اللقاءات والهم الفضل و البصمة بمسيرتي الفنيه”
في بداياتكِ عملتي بمجال الإعلام هل ممكن نشوفكِ مرة اخرى في الإعلام او تقدمين برنامج خاص بكِ؟
جمان :
“حتى اكون صادقة بالنسبة الي التمثيل او الاعلام عبارة عن هواية احب امارسها اكثر من كونها عمل اعتاش منه واني احب اذا عجبتنيالفكره اخوضها حتى لو صعبه و بيها تحديات ف اذا اتقدملي شي احس نفسي مقتدرة اني اقدم احسن ماعندي بيه وانجح بيه حتى لوكان صعب و بيه تحديات راح اخوضه لاني اؤمن بنظرية الفنان الشامل”
انتِ الان تمتلكين متجر ملابس خاص بكِ ما سبب فتحك لهذا المشروع ؟
جمان :
“اكيد بالاخير انسانه طموحة و معتمده على نفسها مثلي لازم يكون الها مصدر تعتاش منه ولازم يلبي طموحاتي فـ شفت انه مشروع مثلالبوتيك ببالي من زمان راح يكون ناجح ويلبي متطلباتي و لائق ويا مكانتي و اني احب الفاشن و الستايل ف قررت افتحه كـ عمل و متعةبنفس الوقت وشي متاكده اني اكدر اديره”
في الوقت الحالي الفنانة عندما تبدأ بالشهرة تتوافد عليها شركات الاعلانات، لماذا الى الان لم نراكِ داخله مجال الاعلانات ؟
جمان :
“ما اخفيك سر اني مو جديده على الشهره والاعلانات عندي بوتيك ويا تطبيق بوتيكات لمشاهير العرب من سنة ٢٠١٨ كـ اول عراقية انضمتالهم وعندي اعلانات نفذتها على مستوى الخليج في تلك الفترة قبل ما ادخل الى عالم الفن و التمثيل في الساحة العراقيه .. بس اني نوعاًما انتقائيه و حريصة باختيار الاعلان.. لاني ما ابحث عن الماده فقط اني ابحث عن فائدة الاعلان للناس و المجتمع حتى احافظ علىشهرتي و ثقة الناس بيا و مصداقيتي” .
